Politika e Përdorimit të Pranueshëm
Kjo politikë mbron klientët tanë, infrastrukturën dhe internetin në përgjithësi. Vlen për çdo llogari, faqe, email dhe proces që funksionon në shërbimet AppAlbania Host, dhe është pjesë e Kushteve të Shërbimit.
1. Veprimtari të paligjshme
Ndalohet përdorimi i shërbimit për çdo veprimtari që shkel ligjet e Republikës së Shqipërisë ose ligjet ndërkombëtare të zbatueshme, përfshirë mashtrimin, shitjen e mallrave të ndaluara (drogë, armë, dokumente false), lojërat e fatit pa licencë dhe pastrimin e parave.
2. Sulme dhe siguria e rrjetit — ndalim i rreptë
- sulme DDoS/DoS, flooding ose stres-testim ndaj kujtdo;
- skanim portash, skanim dobësish, brute force, credential stuffing ose tentativa hyrjeje të paautorizuar në sisteme të palëve të treta;
- tentativa për të sulmuar, anashkaluar ose testuar sigurinë e serverave tanë ose të klientëve të tjerë (pa leje me shkrim);
- botnet, serverë command-and-control, exploit kit, shpërndarje malware, ransomware, virusesh ose kodi dashakeqës;
- phishing, faqe që imitojnë banka, institucione, dyqane ose marka të tjera, grumbullim fjalëkalimesh ose të dhënash kartash;
- proxy të hapur, VPN publike, nyje dalëse Tor, open relay ose shërbime që fshehin burimin e trafikut dashakeqës.
3. Spam dhe email
Ndalohet dërgimi i email-eve masive të pakërkuara, blerja ose përdorimi i listave të email-eve pa pëlqim, dhe reklamimi i faqeve të hostuara te ne përmes spam-it në çfarëdo kanali.
4. Përmbajtje e ndaluar
- çdo material që përfshin abuzim seksual me fëmijë — tolerancë zero, raportohet menjëherë te autoritetet;
- nxitje e dhunës, terrorizmit ose urrejtjes ndaj grupeve;
- shkelje e të drejtave të autorit ose markave: softuer pirat, tema/plugin “nulled”, filma, muzikë ose libra pa licencë;
- publikimi i të dhënave personale të të tjerëve pa bazë ligjore, shpifje ose ngacmim.
5. Përdorimi i burimeve
Ndalohen minimi i kriptomonedhave, proceset që ngarkojnë serverin në mënyrë të tepruar ose të vazhdueshme, përdorimi i hostingut si ruajtje skedarësh ose si CDN për përmbajtje që nuk lidhet me faqen, dhe rishitja e shërbimit pa marrëveshje me shkrim.
6. Llogaritë
Ndalohet krijimi i llogarive me identitet të rremë, ndarja e llogarisë me palë të paautorizuara dhe anashkalimi i limiteve të planit.
7. Si e zbatojmë
- Mund të heqim përmbajtjen, të bllokojmë trafikun, ose të pezullojmë ose mbyllim menjëherë llogarinë, pa njoftim paraprak dhe pa rimbursim, kur ka shkelje ose rrezik për të tjerët.
- Mund të ruajmë regjistrat dhe provat dhe të bashkëpunojmë me policinë, prokurorinë ose autoritete të tjera kompetente sipas ligjit.
- Klienti mban përgjegjësi për dëmet që shkakton, përfshirë kostot tona të pastrimit dhe të gjobave nga palët e treta.
8. Faqe të komprometuara
Nëse një faqe hakohet dhe përdoret për sulme, spam ose malware, e izolojmë menjëherë. Ju ndihmojmë ta pastroni; ripublikohet pasi të jetë e sigurt.
9. Raportimi i abuzimit dhe i dobësive
Raportoni abuzime ose dobësi sigurie në [email protected] (subjekti “Abuse”) ose te Mbështetja. Testimi i sigurisë së infrastrukturës sonë lejohet vetëm me leje paraprake me shkrim.